القهوة.. مميزاتها و اضرارها

القهوة مشروب المثقفين و الناس العميقة (بتريق طبعا ) مين مبيحبش القهوة و بيحس انه فيه نشاط 100 راجل اما يشربها. القهوة بتدي باور للرياضيين قبل الجيم نظرا لاحتوائها علي مادة الكافيين المشهورة و الموجودة في مشروبات كتير زي الشاي و المشروبات الغازية بنسب متفاوتة و تحتوي علي بعض الفيتامينات زي B2 و B5

القهوة كمان ليها فوائد طبية كمان: 1-بتقلل العرضة للإصابة بمرض الشلل الرعاش.
2- بتقلل الإصابة بمرض السكر من النوع التاني
3-بتقلل الإصابة بامراض الكبد و سرطان الكبد
4-تزيد من النشاط الذهني و البدني.
5-تزيد من حرق الدهون
6-تقلل العرضة لمرض الاكتئاب


*بس زي ما أي شيء يزيد عن حده ممكن يتقلب ضده كمان القهوة ممكن تسبب اضطرابات ضربات القلب و مشاكل في المعدة بسبب طبيعتها الحامضية و بالتالي تزيد احتمال الإصابة بارتجاع المريء GERD و تزيد من القلق و التوتر و الارق بسبب تنشيط وظايف المخ بشكل كبير

*كمان لا ينصح بشربها للسيدات الحوامل بكمية كبيرة عشان ممكن تؤدي للاجهاض و الطفل يتولد وزنه قليل.