الحروق و درجاتها و طرق علاجها - Burns degrees and their management

درجات الحروق

كتير مننا بيتعرض في مراحل معينة من حياته لاشكال مختلفة من الحروق و بدرجات متفاوتة كمان، و كل درجة من الحرق ليها نظام علاج معين و كل نوع حرق ليه طريقة العناية الخاصة بيه.

اولا.. لازم نعرف انواع الحروق اللي ممكن لا قدر الله نتعرضلها او اي مريض تحصله:-

اول نوع: الحرق الحراري.. و ده زي أي مصدر للحرارة زي البوتاجاز او كبريت او الماء الساخن او الزيت او الشاي الخ...
تاني نوع: الحرق الكيميائي: زي ماء نار او الجير الحي
تالت نوع: الحرق عن طريق المواد المشعة
رابع نوع: الحرق الكهربي
خامس نوع: عن طريق المتفجرات

دي بعض الأنواع من الحروق اللي ممكن أي شخص يتعرض لها و هي علي سبيل المثال لا الحصر.

ثانيا:-انواع الحرق.. في نوعين: سطحي و عميق.. طب ازاي اعرفهم و افرق بينهم ؟؟

الحرق السطحي: يتميز بأنه لا يصيب كل طبقات الجلد و عشان كده المريض بيحس بالم فظيع نتيجة تهيج نهايات الاعصاب في المنطقة المصابة.
تاني خاصية انه بيبدا باحمرار في الجلد بعد كده بيظهر فقاقيع بتظهر في منطقة الإصابة.. و ممنوع منعا باتا محاولة فرقعة هذه الفقاقيع لانها هامة جدا لشفاء الجلد لاحتوائها علي الماء و البلازما

الحرق العميق: والنوع ده من اسمه عكس النوع السطحي و بالتالي فأنه يصيب كل طبقات الجلد ولا يشعر المصاب بالألم نظرا لتلف النهايات العصبية و عدم ارسالها أي إشارات للألم الي المخ و عادة الحرق العميق يترك ندبات و علامات بعد شفاءه

درجات الحرق:-

الدرجة الاولي: و ده بيصيب الطبقة السطحية من الجلد و مصحوب باحمرار
الدرجة التانية: و ده بيصيب الطبقة السطحية و الثانية من الجلد و بيبقي في احمرار و فقاقيع
الدرجة الثالثة: و ده بيصيب جميع طبقات الجلد و ممكن يوصل للعضلات و العظام و بيحصل تفحم للجلد و يصبح لونه اسود

تحذيرات هامة !!
اذا كان الحرق عن طريق الفينيك: يتم غسله بزيت الزيتون او الخروع أولا ثم غسله بكميات كبيرة من الماء-
اذا كان الحرق عن طريق مسحوق الجير الحي: لا يجب استخدام المياه نظرا لتاثيره الكاول عند تفاعله مع الماء-
اذا كان مصدر الحرق كهربي: لازم نطفي مصدر الكهرباء و استخدام جسم عازل لابعاد المصاب عن المصدر ولا تقم بلمسه مباشرة

ممنوع استخدام معجون الاسنان او الزيوت لانه يقوم بتهييج الجلد و تأخير الشفاء-
لا تستخدم القطن لانه يترك اليافا و اثارا منه علي الحرق-

لا تتنفس او تعطس علي مكان الحرق حتي لا تلوثه-

لا تستخدم التلج مباشرة علي الحرق حتي لا يحدث حرق ثلجي !

طرق العلاج:-