ارتفاع درجة الحرارة.. اسبابها و علاجها

السخونة او ارتفاع درجة الحرارة بتحصل عن طريق ان درجة الحرارة المحيطة اعلي من درجة حرارة الجسم الطبيعية 35-37 درجة سليزيوس فبالتالي الجسم مابيقدرش يطلع الحرارة الزائدة عنه لأن الوسط المحيط لازم يكون اقل منه. و بكدة الجسم هيفضل محتفظ بدرجة حرارته بدلا من انه يتخلص منها في شكل العرق او التنفس و ارتفاع درجة حرارة الجلد السطحي
.

طب في الظروف العادية لو درجة الحرارة ارتفعت بسبب الطقس الخارجي يبدأ الجسم في اطلاق آلياته الدفاعية و هي انه يبدأ يعرق و العرق ده بدوره لما يطلع علي سطح الجلد بيتبخر و يسحب معاه جزء من حرارة الجلد.. طب ده فيه مشكلة.. مع زيادة التعرق الجسم بيفقد جزء كبير من المياه و الاملاح المهمة للجسم و لحد ما كمية المياه دي تقل جدا.. الجسم مش هيلاقي عرق يطلعه فالجسم تزيد درجة حرارته تاني و يدخل في مرحلة خطيرة من الجفاف

.

طب ايه الحل؟ 1- لازم ندخل في مكان بارد نسبيا عن الجو المحيط 2- نعوض كمية المياه المفقودة بشرب كمية كبيرة منها و لو الحالة متقدمة يفضل بأخد محاليل جفاف زي lohydran لتعويض الاملاح و الالكتروليتات المفقودة. 3- عمل كمادات تلج علي جبهة الرأس و تحت الابط 4- نحط معصم اليدين تحت مياه باردة لمدة دقيقة او اكتر 5- خلع الملابس ان امكن. 5-اخذ حمام بارد. و لو الحالة لم تتحسن خلال 30 دقيقة يجب نقلها إلي المستشفى لمعرفة سبب الحرارة المرتفعة.