الكحة.. اسبابها و آلية حدوثها

#الكحة.. كلنا بنسأل الكحة دي سببها ايه.. بس عمرك سألت نفسك بتحصل ازاي ؟ او ايه الآلية بتاعتها جوا الجسم ؟ الكحة هي رد فعل دفاعي تلقائي من الجسم لطرد أي اجسام غريبة او افرازات من الجهاز التنفسي و الرئتين
.

في مناطق في الجسم بها مستقبلات تقوم بتحفيزها عدة أسباب لتحفيزها و تفعيلها و هي موجودة في الانف و الجيوب الانفية و الجهاز التنفسي العلوي و السفلي و في اشكال مختلفة من المحفّزات زي:

1-الاجسام الغريبة الصلبة زي الاتربة و الغبار.

2-كيميائية: زي حمض المعدة و مواد بيتم افرازها بطريقة طبيعية في الجسم زي Bradykinin (في ادوية للضغط ِACE inhibitors بتزود كميته و بيزود الكحة الناشفة) و Prostaglandin E2

  3- الهواء البارد

طيب.. السؤال اللي ممكن ميكونش جه علي بال ناس كتير.. ازاي الكحة دي بتحصل بطريقة شبه اوتوماتيكية في الجسم لما يدخل أي جسم غريب في الجهاز التنفسي؟ الكحة زيها زي آليات دفاعية في الجسم زي ارتفاع درجة الحرارة (و هنتكلم عنها في بوست منفصل) للتخلص من المحفّزات او triggers اللي بتسبب الكحة و مناطق زي الحويصلات الهوائية مثلا حساسة جدا لأي ضغط بسيط من الاتربة او أي جسم غريب و الكحة بتحصل عن طريق ان عضلات البطن بتنقبض فبالتالي تضغط علي الحجاب الحاجز و يزيد ضغط الهواء في الرئتين و بالتالي يصعد الهواء المضغوط من خلال الفم لمعادلة الضغط الي الضغط الطبيعي مرة اخري في الرئة.